Búgin aımaq basshysy Gúlshara Ábdiqalyqova men qala ákimi Nurlybek Nálibaevtyń qatysýymen «Nur Otan» partııasy Qyzylorda qalalyq fılıalyn oryn tebetin jańa ǵımarattyń ashylý saltanaty ótti.
Oǵan oblystyq, qalalyq qoǵamdyq keńestiń, ardagerler keńesiniń tóraǵalary, máslıhat depýtattary, bastaýysh partııa uıymdarynyń tóraǵalary qatysty.
Qala ortalyǵynan boı kótergen jańa nysannyń qurylysyna «Dáneker» JShS qoldaý bildirip, demeýshilik kórsetken. 2 qabatty jańa nysan zamanaýı talaptarǵa saı, ozyq sáýlet úlgisinde salynǵan. Ǵımarattyń birinshi qabatynda 100 adamǵa arnalǵan konferensııa zaly men ótinish-tilegin jetekshi partııanyń nazaryna jetkizýge kelgen azamattardy qabyldaýǵa arnalǵan «Qoǵamdyq qabyldaý» bólmesi bar. Ekinshi qabatta qyzmetkerlerdiń jumys kabınetteri ornalasqan.
Nysannyń ashylýynda oblys ákimi Gúlshara Ábdiqalyqova «jetekshi partııa ókilderiniń turǵyndarǵa sapaly qyzmet etip, Elbasy men Memleket basshysynyń naqty tapsyrmalaryn nátıjeli oryndap, memlekettik saıasatty sátti júzege asyra beretindigine senim mol» - dep, «Nur Otan» partııasy Qyzylorda qalalyq fılıalynyń jumysyna sáttilik tiledi.
Aıta keteıik, partııanyń qalalyq fılıaly 36 bastaýysh partııa uıymy men 261 partııalyq toptan quralǵan.